Rev. Dr. Stephen Hre Kio Kong
Rev. Stephen Hre Kio konglam:
1. Ka chuahnak cu Zokhua ah a si. Zokhua khuahlun, Langler sang, haikungpi pawng inn ah March 19, 1935 ah ka chuak. Cu haikungpi cu atu tiang a um rih. Zokhua ka tlawn tikah ka vung zoh tak tawn.
2. Sianginn ka kainak cu Zokhua primary school ah kum 1946 in ka thok. Kan Sayagyi cu Saya Hrang Hmung, (That Dun pa) a si. Kum 1949 ah tangli ka awng. Cun 1949 ah Hakha ah Middle school ka kai colh i tanghra cu kum 1956 ah ka awng.
College ka peh colh i College first year cu Rangoon ah Hteedan College, Kemmindine ah ka kai. Cun second year in final year tiang University of Rangoon ah ka kai. BA cu kum 1960 ah ka awng.
Cun Baibal sianginn ka kai i, India ram West Bengal State, Serampore College (William Carey nih kum 1793 i a thokmi Baibal sianginn) ah 1960 in ka lut i 1963 ah ka awng. Pakhatnak in ka awng. Laimi lakah B.D. degree a hmu hmasa bik ka si.
Culengah kum 15 rian ka tuan hnuah Amerika ka kal i (ka family he) Emory University, Atlanta, USA ah 1980 ah MA ka awng i 1985 ah Ph. D. ka awng. Biblical Studies ka lak caah Baibal cektu (Bible Translation Consultant) rian Unite-d Bible Societies nih an ka pek. Hi ka lakmi Ph. D., degree hi Biaknak leiah (Khrihfa Biaknak leiah) Kawlram in cawnnak in hmuhmi Degree a la hmasa bik ka si.
3. Ka riantuannak: Kum 1963 BD ka awn kum in Falam ah Zomi Baptist Theological school ah Lecturer ka tuan. Cun kum 1977 kum ah Principal ka tuan fawn.
Falam Baptist Church, Falam khua ah Pastor cu 1964 in ka thok i kum 1974 tiang fulltime in ka tuan. Cun Falam Baibal ca ka leh caah parttime in 1978 tiang ka tuan rih. Cun Hakha khua Lunginnpi Biakinn ah Pastor kum khat ka tuan fawn (1978-79 May tiang).
Falam Baibal leh an ka fial i January 1,1974 in ka thok i 1978 ah Baibal Cahlun (Biakam Hlun) ka leh dih. Cun Amerika i kan kal caah Amerika ah Biakam Thar ka leh dih, 1985 kum ah.
Kum 1979 cun Baibal cektu (Bible Translation Consultant) ka tuan i (Ph. D., cawnpah in) kum 24 ka tuan hnuah 2004 ah pension ka lak.
Cun Indianapolis i a ummi Laimi Khrihfabu nih an ka sawm i August 23, 2008 in Indiana Chin Baptist Church ah Senior Pastor tuan ka thok. Atlanta i a ummi Khrihfabu thar (Chin Community Baptist Church) nih Pastor an ngeih rih lo caah kan bawm ko, an ti i November 2010 in Senior Pastor ka tuan fawn. Cucaah "commuting Pastor" ka si: Thla khat ah Indianapolis ah zarh hnih, Atlanta ah zarh hnih tiin ka tlawng lengmang.
4. Ka riantuanmi lakah ka lunghmui bik: Ka riantuanmi vialte lakah ka lung a hmuibik mi cu Falam Baibal ka leh hi a si. Atu ah Falam holh a hmangmi nih an rel i, an rel tam bikmi Baibal a si. A dihlak ah uk 45,000 kan nam cang. Atu zongah cawk awk an kawl lengmang rih.
A dang ka lung a hmuimi cu ca-uk ka tialmi hna an si. Ka tialmi cauk hna cu a tanglei hi an si:
1. Khrihfabu Chung Riantuannak
2. Zeicahdah SDA ka si lo.
3. Nangmah Khamh Awkah
4. Khristian Tihnimnak
5. Khrihfabu Tuanbia
6. Biakkam Thar Hramthokak
7. Voikhat Rundam Hnu Hloh A Theih Maw?
8. Na Sumsaw Umnakah Na Thinlung Khal A Um Ve Ding.
9. Laica Ngan Daan
10. Zahre Lian of Burma
11. Khristian Thupom
12. Evangelical Khristian Thupom
13. Matthai Simfiangnak (Commentary of Matthew, 2 volumes)
14. Luka Simfiangnak (Commentary on Luke, 2 volumes).
15. Khristian Lamhmuhtu
16. Miphun Damnak
17. Exodus as a Symbol of Liberation in the Book of the Apocalypse.
Ca-uk edit ka tuahmi hna:
1. Marka Simfiangnak by Rev. Dr. Hrang Cung Nung
2. Tirhthlah Simfiangnak by Rev. Edward Hlawn Piang
3. 2 Korin Simfiangnak by Rev. James Tial Dum
4. 1 & 2 Thesalon Simfiangnak by Rev. Dr. Lal Tin Hre
Minthatnak zong an kan pek caah kaa lawm:
1. Myanmar Baptist Convention nih "Certificate of Honor"
2. Karen Baptist Convention nih "Certificate of Honor"
3. Zokhua Area Baptist Churches nih Ruby Jubilee an ka tuahpiak i "Sui Medal" an ka pek.
4. MIT (Myanmar Institute of Theology) nih "Fellow of Distinguish Christian Service an ka pek.
Ka saduhthah bik cu kum saupi nung ningla ca-uk tampi tial rih ningla ti hi a si. Ka lung ah a taap rihmi cu: Hakha Baptist Church ah kum sau deuh Pastor tuan loin kum khat hnu i America i ka kal kha a si.
Mino hna nih philh hlah hna sehla ti ka duhmi cu: Chinmi ka si, ti hi philh hlah hna sehlaw, Lai holh thiam peng hna sehlaw America zongah hin Chinmi ka si ti hi i zahpi hlah hna sehlaw, ka lung a tling ngai hnga. Cun a dang vialte hna nakin Pathian hi duh hna seh, Pathian upat tihzah hna sehlaw an lam hi a tluang ko lai, tiah cah ka duh hna.
1. Ka chuahnak cu Zokhua ah a si. Zokhua khuahlun, Langler sang, haikungpi pawng inn ah March 19, 1935 ah ka chuak. Cu haikungpi cu atu tiang a um rih. Zokhua ka tlawn tikah ka vung zoh tak tawn.
2. Sianginn ka kainak cu Zokhua primary school ah kum 1946 in ka thok. Kan Sayagyi cu Saya Hrang Hmung, (That Dun pa) a si. Kum 1949 ah tangli ka awng. Cun 1949 ah Hakha ah Middle school ka kai colh i tanghra cu kum 1956 ah ka awng.
College ka peh colh i College first year cu Rangoon ah Hteedan College, Kemmindine ah ka kai. Cun second year in final year tiang University of Rangoon ah ka kai. BA cu kum 1960 ah ka awng.
Cun Baibal sianginn ka kai i, India ram West Bengal State, Serampore College (William Carey nih kum 1793 i a thokmi Baibal sianginn) ah 1960 in ka lut i 1963 ah ka awng. Pakhatnak in ka awng. Laimi lakah B.D. degree a hmu hmasa bik ka si.
Culengah kum 15 rian ka tuan hnuah Amerika ka kal i (ka family he) Emory University, Atlanta, USA ah 1980 ah MA ka awng i 1985 ah Ph. D. ka awng. Biblical Studies ka lak caah Baibal cektu (Bible Translation Consultant) rian Unite-d Bible Societies nih an ka pek. Hi ka lakmi Ph. D., degree hi Biaknak leiah (Khrihfa Biaknak leiah) Kawlram in cawnnak in hmuhmi Degree a la hmasa bik ka si.
3. Ka riantuannak: Kum 1963 BD ka awn kum in Falam ah Zomi Baptist Theological school ah Lecturer ka tuan. Cun kum 1977 kum ah Principal ka tuan fawn.
Falam Baptist Church, Falam khua ah Pastor cu 1964 in ka thok i kum 1974 tiang fulltime in ka tuan. Cun Falam Baibal ca ka leh caah parttime in 1978 tiang ka tuan rih. Cun Hakha khua Lunginnpi Biakinn ah Pastor kum khat ka tuan fawn (1978-79 May tiang).
Falam Baibal leh an ka fial i January 1,1974 in ka thok i 1978 ah Baibal Cahlun (Biakam Hlun) ka leh dih. Cun Amerika i kan kal caah Amerika ah Biakam Thar ka leh dih, 1985 kum ah.
Kum 1979 cun Baibal cektu (Bible Translation Consultant) ka tuan i (Ph. D., cawnpah in) kum 24 ka tuan hnuah 2004 ah pension ka lak.
Cun Indianapolis i a ummi Laimi Khrihfabu nih an ka sawm i August 23, 2008 in Indiana Chin Baptist Church ah Senior Pastor tuan ka thok. Atlanta i a ummi Khrihfabu thar (Chin Community Baptist Church) nih Pastor an ngeih rih lo caah kan bawm ko, an ti i November 2010 in Senior Pastor ka tuan fawn. Cucaah "commuting Pastor" ka si: Thla khat ah Indianapolis ah zarh hnih, Atlanta ah zarh hnih tiin ka tlawng lengmang.
4. Ka riantuanmi lakah ka lunghmui bik: Ka riantuanmi vialte lakah ka lung a hmuibik mi cu Falam Baibal ka leh hi a si. Atu ah Falam holh a hmangmi nih an rel i, an rel tam bikmi Baibal a si. A dihlak ah uk 45,000 kan nam cang. Atu zongah cawk awk an kawl lengmang rih.
A dang ka lung a hmuimi cu ca-uk ka tialmi hna an si. Ka tialmi cauk hna cu a tanglei hi an si:
1. Khrihfabu Chung Riantuannak
2. Zeicahdah SDA ka si lo.
3. Nangmah Khamh Awkah
4. Khristian Tihnimnak
5. Khrihfabu Tuanbia
6. Biakkam Thar Hramthokak
7. Voikhat Rundam Hnu Hloh A Theih Maw?
8. Na Sumsaw Umnakah Na Thinlung Khal A Um Ve Ding.
9. Laica Ngan Daan
10. Zahre Lian of Burma
11. Khristian Thupom
12. Evangelical Khristian Thupom
13. Matthai Simfiangnak (Commentary of Matthew, 2 volumes)
14. Luka Simfiangnak (Commentary on Luke, 2 volumes).
15. Khristian Lamhmuhtu
16. Miphun Damnak
17. Exodus as a Symbol of Liberation in the Book of the Apocalypse.
Ca-uk edit ka tuahmi hna:
1. Marka Simfiangnak by Rev. Dr. Hrang Cung Nung
2. Tirhthlah Simfiangnak by Rev. Edward Hlawn Piang
3. 2 Korin Simfiangnak by Rev. James Tial Dum
4. 1 & 2 Thesalon Simfiangnak by Rev. Dr. Lal Tin Hre
Minthatnak zong an kan pek caah kaa lawm:
1. Myanmar Baptist Convention nih "Certificate of Honor"
2. Karen Baptist Convention nih "Certificate of Honor"
3. Zokhua Area Baptist Churches nih Ruby Jubilee an ka tuahpiak i "Sui Medal" an ka pek.
4. MIT (Myanmar Institute of Theology) nih "Fellow of Distinguish Christian Service an ka pek.
Ka saduhthah bik cu kum saupi nung ningla ca-uk tampi tial rih ningla ti hi a si. Ka lung ah a taap rihmi cu: Hakha Baptist Church ah kum sau deuh Pastor tuan loin kum khat hnu i America i ka kal kha a si.
Mino hna nih philh hlah hna sehla ti ka duhmi cu: Chinmi ka si, ti hi philh hlah hna sehlaw, Lai holh thiam peng hna sehlaw America zongah hin Chinmi ka si ti hi i zahpi hlah hna sehlaw, ka lung a tling ngai hnga. Cun a dang vialte hna nakin Pathian hi duh hna seh, Pathian upat tihzah hna sehlaw an lam hi a tluang ko lai, tiah cah ka duh hna.